گۆڤار زەند یەکێ ئەژ گۆڤارەل نواکیشەسە ک ڤە باوەت ئەرنکۆلینەل و زانست ڤە باکور چاپ کریایە. زەند وە دریژای تەمەن وژێ میمانداری ئەژ فرەیگ ڕۆشنڤیرەل کورد کردیەسێ و بییەسە جای ململانە زانستی ڤە سەر زوان و ئەدەبیات و دیرۆک و کولتوور کوردەل. زەند یەکم گل ئەر ساڵ ١٩٩٤ دو ژمارە جوور دوپێیەک کردن چاپ کردێ. دوما ئەوە ئەر ساڵ ١٩٩٦ وە شێوە دەورەیی دەسپێ کردێیە کار کردن و تا ساڵ ١٩٩٨ شەش شومارە چاپ کردێ. ڤە سان ڕەوش ئە سەردەمە شەش ساڵ نامبڕ کەتێیە چاپ بین و ئەر ساڵ ٢٠٠٤ ئەێ نوو چاپ کریا. هەر ئە ساڵە وە مدوو بڕێ ئەژ کێشەل ١٩٩٤ فەرمی ئێ گۆڤارە بویە ڕێزەکتاو. ئەر ساڵ ٢٠٠٤ ەێرە تا ئێسکە ٢٦ شومارە ئەژن چاپ کریاسێ. کوو شومارەل زەند ئەژ ساڵ تا ئێسکە بییەسە 34 شومارە. هالیپا ساڵێ ٢ شومارە ئەژ زەند ئەێ لایەن ئەنستیتو کوردی ئستانبۆلەێرە (ئیسە کوومەڵە ئەرنکۆلینەل کوردی) چاپە مەکرێ. یەێ ژمارە ئەر ڤهار و شومارەێ ترەک ئەر پاییز چاپە مەکرێ.

.ئەنستیتو کوردی ئستانبۆل ئەژ ساڵ ٢٠١٤ را ئەڕای مامۆستال و خوەنکارەل وژ گۆڤارێ وە نام "فێرنامە" چاپە مەکەێ ئە نام ئێ گۆڤارەێرە بێجگە ئەژ بەرهەم و ڤتارەل خوەنکار و مامۆستال، نویسینگەل ڤە باوەت کولتوور و هونەر کوردیش جا مەگرێ. هەر ئاهانە ڤە ئێ گۆڤارەێرە وە یارمەتی فێرکاریەگانییا مەتوێنین خوەنن وژتان ڤەرەو نوا بەورینان و کولتوور و .ئەدەبیات کوردی بشناسینان بابەتەلێ جوور چوارخشتە پرسیاریج ڤە نام گۆڤار فێرنامەێرە جاوان گرتێیە. بابەتەل ڤە هەر س زاراوە (کرمانجکی، کورمانجی و سۆرانی) ڤە نام گۆڤارەێرە هەن. مامۆستال و خوەنکارەل کوردی مەتوێنن ئەژ ئێ گۆڤارە ئستفادە بکەن و هەر ئی جوورە مەتوێنن وە نویسان بابەت ئەێ ئێ گۆڤارە پشتیبانی بکەن. تا ئێسە چوار شومارە ئەژ ئێ گۆڤارە چاپ کریایە. دوما شومارە چوارمەرا فۆرمەت گۆڤار فێرنامە گوەڕیا و ئەێ یەودوما تەنیا مەتنەل خوەنن وە پەی ئاستەل یەکم، دووم و سێیم ڤە نامەێرە جا مەگرنێ. ساڵێ دو شومارە ئەژ فێرنامە چاپە مەکرێ. شومارەی ئەر ڤهار و شومارەی ترەکیج پایزە مەدرێ ئەودەر.