Hînker - Kirmanckî Duşto Yewin (A1)

No kitab kitabê dersî yê duştê A1î yo. Kesê ke qet kirmanckî nêzanenê, seba înan ameyo hadirekerdene. Mîyanê kitabî de beşê ziwanî yê sey çeku, wendiş, goşdarî, gramer, qiseykerdiş û nuştişî estê ke bi saya nê beşan musayîşê ziwanî asan beno. Bi nê kitabî kesê ke beşdarê dersan bibê, ê do bieşkê goreyê duştê A1î kirmanckî bimusê.

Kesê ke bi nê kitabî dersan bivînê:
Ê do bieşkê xo û kesanê bînan bidê şinasnayene, çekuyanê çî û rengê çîyan, kar û gureyan, awanî, keye û kelmelê keyeyî bimusê û bieşkê qalê înan bikerê. Reyna ê do bieşkê qalê keye û merdimanê xo bikerê û înan bidê şinasnayene. Dima ra, babetê sey aktîvîte, hobî, rûtîn û cuya rojane, werd, şimitiş, dayîşûgirewtiş yenê dayene ke kesê bi nê kitabî kirmanckî musenê do bieşkê nê babetan ser o zî qisey bikerê û dîyalogan bivirazê. Babetê sey rewşa hewayî, betlane, gêrayîşî zî estê; reyna bi nê babetan ê do bieşkê nê babetan ser o zî bibê wayîrê zanayîşan û cuya rojane de înan bixebitnê.